ஹீரோவுடன் மேக்னா திடீர் காதல்

சென்னை: மேக்னா ராஜ்- கன்னட நடிகர் சிரஞ்சீவி சார்ஜா காதல் ஜோடிகளாயினர்.சினிமா நட்சத்திரங்கள் காதல் வலையில் விழுவது அதிகரித்து வருகிறது. சிம்பு, சித்தார்த், நயன்தாரா, ஹன்சிகா, திரிஷா, சமந்தா, மீரா ஜாஸ்மின் என இந்த பட்டியல் நீள்கிறது. தற்போது புதிய காதல் ஜோடி ஒன்று வலம் வரத் தொடங்கி உள்ளது. ‘காதல் சொல்ல வந்தேன்‘, ‘உயர்திரு 420‘, ‘நந்தா நந்திதா‘ படங்களில் நடித்திருப்பவர் மேக்னாராஜ். தமிழ் பட வாய்ப்புகள் குறைந்த நிலையில் மலையாளம், கன்னட படங்களில் நடித்து வருகிறார்.

கன்னடத்தில் நடிக்கச் சென்றவருக்கு கன்னட பட ஹீரோ சிரஞ்சீவி சார்ஜாவுடன் நட்பு ஏற்பட்டது. பிறகு அது காதலாக மாறியது. தமிழில் வெளியாகி வெற்றி பெற்ற ‘சண்டக்கோழி’, ‘பீட்சா’, ‘காக்க காக்க’, ‘பையா’, ‘பாண்டியநாடு’ படங்களை கன்னடத்தில் ரீமேக் செய்து ஹீரோவாக நடித்திருக்கிறார் சிரஞ்சீவி சார்ஜா. படப்பிடிப்பு ஒன்றில் சந்தித்தபோது சிரஞ்சீவிக்கும், மேக்னாவுக்கும் காதல் மலர்ந்தது. அடுத்த ஆண்டு இருவரும் திருமணம் செய்ய திட்டமிட்டுள்ளதாக திரையுலகில் பேசப்படுகிறது.

Category: