அனுஷ்கா சர்மாவுடனான காதல் உண்மைதான்: விராட் கோலி ஒப்புதல்

புதுடெல்லி

அனுஷ்கா சர்மாவுடனான காதலை இந்திய கிரிக்கெட் வீரர் விராட் கோலி ஒப்புக்கொண்டுள்ளார்.

அனுஷ்கா சர்மாவுடனான உள்ள உறவு பற்றி அதிகம் பேசும் பொதுமக்கள் தங்கள் பொதுஅறிவை பயன்படுத்த வேண்டும் என்றும் தங்ளது தனியுரிமை மதிக்கப்பட வேண்டும் என்று டெல்லியில் நடைபெற்ற பேஷன் நிகழ்ச்சியில் கலந்து கொண்ட போது இவ்வாறு தெரிவித்தார்.

மேலும், அவர் கூறுகையில், “ இது வெளிப்படையாக சொல்லப்பட்டுள்ளது. நாங்கள் எதையும் மறைக்கவில்லை. எதையும் மறைக்கவும் முயற்சிக்கவில்லை. எதையும் மறைப்பதற்கும் நாங்கள் விரும்பவில்லை. ஆனால், இந்த விஷயத்தை நீங்கள் மீண்டும் மீண்டும் கேட்கும் போதும், இதை விவாதபொருளாக ஆக்கும் போதும், நாங்கள் இருவருமே இதை சரியானது என்று நினைக்கவில்லை.

இருவரும் எங்காவது ஒன்றாக தோன்றினால் இன்னும் மக்கள் இது உண்மைதானா? என்று கேள்வி கேட்கின்றனர். அப்பொழுது இது பொதுஅறிவு சம்பந்தப்பட்டதாகிறது. நீங்கள் இதை அறிந்த பொழுது ஏன் ஒரே கேள்வியை கேட்கிறீர்கள். இது மிகவும் தனிப்பட்ட விஷயம் என்பதால் இதை பற்றி தனிப்பட்ட முறையில் பேச நாங்கள் விரும்ப வில்லை” என்று தெரிவித்தார்.

Category: